|
Գերզբաղված Արսեն Սաֆարյանը՝ “Ես ակումբում” |
|
Գերզբաղված Արսեն Սաֆարյանը՝ “Ես ակումբում”
Չնայած ամռան տապին , որ շատերին ստիպում է փախչել մայրաքաղաքի կիզիչ արևից , խոստացած օրը ու ժամին տեղի ունեցավ “Ես ակումբի” հերթական հանդիպումը : Այս անգամ “Նարեկացի” մշակույթի կենտրոնում մեր ամենաակտիվ ակումբականները հանդիպեցին երգիչ Արսեն Սաֆարյանին : Նրանք բացառիկ հնարավորություն ունեցան շփվելու հայկական շոու - բիզնեսի “Ամենացանկալի երգչի” հետ : “Ես” - ասերները բավական հետաքրիր հարցերով էին “զինվել” և հանդիպման հենց առաջին րոպեներից “հարցաքննեցին” Արսենին , ով իր հագեցած օրակարգում ժամանակ էր գտել մեզ համար : Հաշվի առնելով հարցերի տարափը՝ առանձնացրեցինք դրանցից միայն մի քանիսը :
- Արսեն , ո՞ւմ ես պարտական հաջողություններիդ համար : - Առաջին հերթին՝ եղբորս : Նրան իմ առաջին ուսուցիչն եմ համարում , քանի որ հենց նրա գրած երգերով եմ սիրվել ու հայտնի դարձել : Երախտապարտ եմ Արթուր Գրիգորյանին , ով ինձ տվեց գիտելիքների այն պաշարը , որ ունեմ այսօր : Եթե չլինեին այս մարդիկ , երևի այդպես հեռու էլ մնայի այդ բնագավառից : Մի քիչ էլ ինքս ինձ եմ պարտական , որ սովորել ու սովորել եմ և որոշակի հաջողությունների հասել :
- Գիտենք , որ “բազմակողմանի” արվեստագետ ես և բացի երգելուց նաև ձեռքի աշխատանքներ ունես : Հնարավո՞ր է , մի օր տեսնենք դրանք : - Իմ գործերն ընդամենը սիրողական մակարդակի են , ինձ արվեստագետ չեմ համարում , այդ պատճառով էլ դրանք չեմ ցուցադրում : Չեմ էլ սիրում , երբ շատ շատերն իրենց արվեստագետ են հռչակում , քանի որ նրանց ամեն գործ չէ , որ իրենից արվեստի նմուշ է ներկայացնում : Վստահ եմ , որ տասը - քսան տարի հետո մեր “արվեստ” կոչվածից ընդամենը երկու տոկոսն է մնալու :
- Քո վերջին տեսահոլովակներն ու երգերը շատ լուրջ են և ոչ բոլորի կողմից կարող են հավասարապես ընկալվել ու սիրվել : Արդյոք դա խոսո՞ւմ է այն մասին , որ այսօր չես շարժվում շուկայի ու պահանջարկի թելադրած կանոններով : - Իհարկե , հետևում եմ այն ամենին , ինչ այսօր կատարվում է մեր բնագավառում , քանի որ պետք է միշտ տեղեկացված լինեմ : Սուտ կլինի , եթե ասեմ , որ չեմ մտածում շուկայի մասին : Դա է պատճառը , որ ունեմ երգեր ` նախատեսված հենց շուկայի համար և երգեր , որոնք հատկապես ինձ են հոգեհարազատ : Գուցե մի յոթ - ութ տարի հետո այլևս չմտածեմ պահանջարկի ու շուկայի մասին և երգեմ այն , ինչ սիրտս է ուզում , բայց հիմա նման հաճույք ինձ թույլ տալ չեմ կարող :
- Այս տարի չմասնակցեցիր Ազգային երաժշտական մրցանակաբաշխությանը : Ի՞նչն էր պատճառը : - Ինձ այդ մրցանակաբաշխություններն արդեն ձանձրացրել ու չեն հետաքրքրում : Եթե նկատել եք , այս տարի չեմ մասնացել նաև “Տաշիր” մրցանակաբաշխությանը : Չեմ սիրում մասնակցել միջոցառումների , որոնց ելքը նախապես վճռված է ու չեմ կարծում , թե դրանց չմասնակցելով ` կկորցնեմ իմ լսարանը կամ կմոռացվեմ : Ես մեծ աշխատանք եմ կատարում , տեսահոլովակներ նկարահանում և պարտադիր չէ , որ ինձ հիշեն միայն մրցանակաբաշխությունից մրցանակաբաշխություն :
|
